Fara í efni

Svona tengirðu allt.

Skref fyrir skref fyrir hverja tengingu. Lyklar sem þú límir inn eru prófaðir um leið, svo þú veist strax hvort tengingin virkar. Festist þú einhvers staðar: sendu línu á tveir@tveir.is og við klárum það með þér.

Gmail

Þú, um 5 mínútur

Póstur sem á að verða að verki fer á verk-netfangið og birtist á Stjórnborðinu. Þaðan sendirðu líka pósta og svarar þeim.

Svona tengirðu

  1. Tveir sendir þér verk-netfangið þitt.
  2. Opnaðu Gmail í tölvu, smelltu á tannhjólið efst til hægri og veldu See all settings (Sjá allar stillingar).
  3. Opnaðu flipann Forwarding and POP/IMAP og smelltu á Add a forwarding address.
  4. Skrifaðu verk-netfangið og smelltu á Next. Gmail sendir staðfestingarkóða á það og Tveir sendir þér kóðann.
  5. Settu kóðann inn og smelltu á Verify.
  6. Viltu bara senda suma pósta: skrifaðu t.d. netfang viðskiptavinar í leitina í Gmail, smelltu á stillingartáknið í leitarreitnum, veldu Create filter og hakaðu við Forward it to með verk-netfanginu.

Allt pósthólfið inni í Samskiptum setur Tveir upp með þér.

Ef þetta virkar ekki

  • Pósturinn birtist ekki: það tekur allt að 5 mínútur. Athugaðu að sían sé á réttu netfangi.
  • Kóðinn kemur ekki: láttu Tveir vita og við sendum hann aftur.
  • Vinnupóstur (Google Workspace): ef áframsending er lokuð þarf sá sem sér um Google hjá ykkur að leyfa hana.

Google Calendar

Þú, um 2 mínútur

Fundirnir þínir birtast á Dagatalinu í Glerhúsinu, við hlið skiladaga verkanna.

Svona tengirðu

  1. Opnaðu Google Calendar í tölvu (calendar.google.com).
  2. Vinstra megin, undir My calendars, farðu með músina yfir dagatalið þitt og smelltu á punktana þrjá.
  3. Veldu Settings and sharing.
  4. Undir Share with specific people or groups smelltu á Add people and groups.
  5. Skrifaðu tveir@tveir.is, veldu See all event details og smelltu á Send.
  6. Tveir samþykkir deilinguna og fundirnir birtast innan 5 mínútna.

Ef þetta virkar ekki

  • Fundirnir birtast ekki: athugaðu að þú hafir deilt réttu dagatali. Hvert dagatal er deilt sér.
  • Bara „frátekið“ sést: þú valdir See only free/busy. Breyttu í See all event details.
  • Vinnureikningur: ef ekki má deila út fyrir fyrirtækið þarf sá sem sér um Google hjá ykkur að leyfa það.

Instagram

Þú, um 10 mínútur

Fylgjendur, áhorf og færslur koma sjálfkrafa inn í Tölfræði á hverjum morgni.

Svona tengirðu

  1. Gerðu reikninginn að fagreikningi. Í Instagram appinu: prófíllinn, valmyndin efst til hægri, Account type and tools, Switch to professional account. Veldu Creator eða Business.
  2. Tengdu hann við Facebook síðuna þína. Á Facebook síðunni: Settings, Linked accounts, Instagram, Connect.
  3. Opnaðu business.facebook.com/settings með aðganginum sem á síðuna.
  4. Farðu í Users, svo Partners, og smelltu á Add og Give a partner access to your assets.
  5. Settu inn Business ID sem Tveir sendir þér.
  6. Veldu Instagram reikninginn og Facebook síðuna og gefðu aðgang að tölum og innsýn (Insights). Smelltu á Save.

Ef þetta virkar ekki

  • Þú sérð ekki Partners: þú þarft að vera stjórnandi (admin) í Business aðgangnum.
  • Engar tölur: persónulegur reikningur gefur engar tölur. Hann verður að vera Creator eða Business.
  • Fyrstu tölurnar koma næsta morgun eftir að aðgangurinn er kominn.

Facebook

Þú, um 5 mínútur

Áhorf og fylgjendur síðunnar koma sjálfkrafa inn í Tölfræði á hverjum morgni.

Svona tengirðu

  1. Þú þarft að vera stjórnandi síðunnar með fullan aðgang.
  2. Opnaðu business.facebook.com/settings.
  3. Farðu í Users, svo Partners, og smelltu á Add og Give a partner access to your assets.
  4. Settu inn Business ID sem Tveir sendir þér, veldu síðuna og gefðu aðgang að innsýn (Insights). Smelltu á Save.
  5. Ef þú gerðir þetta fyrir Instagram er síðan líklega komin líka. Athugaðu bara að hún sé valin.

Ef þetta virkar ekki

  • Síðan er ekki í Business aðganginum: veldu Accounts, Pages, Add og bættu henni við fyrst.
  • Fyrstu tölurnar koma næsta morgun.

TikTok

Þú, nokkrar mínútur á viku

TikTok leyfir ekki sjálfvirka söfnun ennþá, svo tölurnar fyrir hvert myndband eru skráðar inn.

Svona tengirðu

  1. Opnaðu TikTok Studio: í tölvu á tiktok.com/tiktokstudio, eða í appinu undir prófílnum og valmyndinni.
  2. Opnaðu Analytics og veldu myndbandið.
  3. Í Glerhúsinu: opnaðu Tölfræði, finndu myndbandið (eða ýttu á Nýtt myndband) og smelltu á Skrá tölur.
  4. Settu inn áhorf, líkar, athugasemdir og deilingar og vistaðu.
  5. Ertu með tölurnar í töflu: notaðu Flytja inn CSV á Tölfræði og límdu þær inn.

Ef þetta virkar ekki

  • Handskráðar tölur breytast aldrei sjálfkrafa. Þú getur alltaf leiðrétt þær.

Payday

Þú, um 3 mínútur. Glerhúsið prófar lyklana strax.

Lokin verk og samningar verða að reikningum í Payday.

Svona tengirðu

  1. Skráðu þig inn á app.payday.is.
  2. Opnaðu stillingar fyrirtækisins og finndu API.
  3. Búðu til nýtt forrit og kallaðu það Glerhúsið.
  4. Afritaðu Client ID og Client Secret.
  5. Í Glerhúsinu: Stillingar, Tengingar, Payday, Tengja. Límdu bæði inn og smelltu á Vista og tengja.
  6. Glerhúsið prófar lyklana strax og segir þér hvort þeir virka.

Ef þetta virkar ekki

  • „Payday þekkir ekki lyklana“: afritaðu þá aftur. Oft fylgir bil eða vantar staf.
  • Þú sérð ekki API: bara stjórnandi fyrirtækisins í Payday sér það. Biddu hann að gera þetta.

DK

Þú, um 3 mínútur. Glerhúsið prófar lykilinn strax.

Lokin verk og samningar verða að reikningum í DK.

Svona tengirðu

  1. Skráðu þig inn á dkPlus (dkplus.is) með aðgangi fyrirtækisins.
  2. Búðu til API token (aðgangslykil) fyrir Glerhúsið í stillingunum.
  3. Gefðu honum aðgang að viðskiptavinum og sölureikningum.
  4. Í Glerhúsinu: Stillingar, Tengingar, DK, Tengja. Límdu tokeninn inn og smelltu á Vista og tengja.
  5. Glerhúsið prófar tokeninn strax og sýnir nafn fyrirtækisins í DK ef hann virkar.

Ef þetta virkar ekki

  • Þú finnur ekki API token: biddu dk hugbúnað um aðgang að dkPlus API fyrir fyrirtækið.
  • „DK tók ekki við lyklinum“: tokeninn er rangt afritaður eða hefur verið afturkallaður. Búðu til nýjan.

Shopify

Þú, um 10 mínútur. Glerhúsið prófar tenginguna strax.

Vörur, lagerstaða og pantanir úr vefversluninni.

Svona tengirðu

  1. Opnaðu dev.shopify.com/dashboard með sama Shopify aðgangi og verslunin.
  2. Smelltu á Create app og kallaðu það Glerhúsið.
  3. Í útgáfunni (version) velurðu aðganginn read_products, read_inventory og read_orders og gefur hana út (Release).
  4. Settu appið upp á versluninni (Install app) og samþykktu aðganginn.
  5. Opnaðu Settings í appinu og afritaðu Client ID og Client secret.
  6. Í Glerhúsinu: Stillingar, Tengingar, Shopify, Tengja. Settu inn slóð verslunarinnar (nafn.myshopify.com) og lyklana tvo og smelltu á Vista og tengja.

Ef þetta virkar ekki

  • Hvar er nafn.myshopify.com: í Shopify: Settings, Domains. Það er slóðin sem endar á myshopify.com.
  • „Shopify þekkir ekki lyklana“: appið þarf að vera búið til með sama aðgangi og verslunin og vera sett upp á henni.
  • „Vantar aðganginn read_...“: bættu honum við í nýrri útgáfu af appinu, gefðu hana út og samþykktu í versluninni. Ýttu svo á Prófa aftur.

Claude

Þú, um 5 mínútur. Glerhúsið prófar lykilinn strax.

Gervigreind sem skrifar drög að svörum og samantektir.

Svona tengirðu

  1. Skráðu þig inn á platform.claude.com (Claude Console).
  2. Opnaðu Billing og keyptu inneign. Settu hámark svo kostnaðurinn fari aldrei fram úr því sem þú vilt.
  3. Opnaðu API keys, smelltu á Create key og kallaðu hann Glerhúsið.
  4. Afritaðu lykilinn strax. Hann byrjar á sk-ant- og sést bara einu sinni.
  5. Í Glerhúsinu: Stillingar, Tengingar, Claude, Tengja. Límdu lykilinn inn og smelltu á Vista og tengja.

Ef þetta virkar ekki

  • Claude Pro eða Max áskrift gefur ekki API lykil. API notkun er greidd sér.
  • Prófunin athugar lykilinn, ekki inneignina. Ef inneignin klárast hættir gervigreindin að svara þar til þú bætir við.
  • Lykillinn týndist: búðu til nýjan og límdu hann inn. Sá gamli hættir að skipta máli.

ChatGPT

Þú, um 5 mínútur. Glerhúsið prófar lykilinn strax.

Gervigreind sem skrifar drög að svörum og samantektir.

Svona tengirðu

  1. Skráðu þig inn á platform.openai.com.
  2. Opnaðu Billing, settu inn greiðslu og mánaðarhámark.
  3. Opnaðu API keys, smelltu á Create new secret key og kallaðu hann Glerhúsið.
  4. Afritaðu lykilinn strax. Hann byrjar á sk- og sést bara einu sinni.
  5. Í Glerhúsinu: Stillingar, Tengingar, ChatGPT, Tengja. Límdu lykilinn inn og smelltu á Vista og tengja.

Ef þetta virkar ekki

  • ChatGPT Plus áskrift gefur ekki API lykil. API notkun er greidd sér.
  • Prófunin athugar lykilinn, ekki inneignina. Ef inneignin klárast hættir gervigreindin að svara.

Google Analytics

Þú, um 2 mínútur

Heimsóknir á vefinn þinn í Tölfræði. Í smíðum, en þú getur gefið aðganginn strax.

Svona tengirðu

  1. Opnaðu analytics.google.com og veldu vefinn.
  2. Smelltu á tannhjólið neðst til vinstri (Admin).
  3. Undir Property velurðu Property access management og smellir á plúsinn og Add users.
  4. Skrifaðu tveir@tveir.is, veldu hlutverkið Viewer og smelltu á Add.

Ef þetta virkar ekki

  • Þú sérð ekki Admin: þú þarft að vera stjórnandi á Analytics aðganginum.

WeTransfer

Engin uppsetning

Hlekkir á stórar skrár fylgja undirverkinu og viðskiptavinurinn fær þá í pósti.

Svona tengirðu

  1. Sendu skrána á WeTransfer eins og venjulega og afritaðu hlekkinn.
  2. Límdu hlekkinn á undirverkið í Glerhúsinu. Viðskiptavinurinn fær hann í pósti.

Ef þetta virkar ekki

  • Hlekkurinn rennur út: ókeypis WeTransfer hlekkir gilda í takmarkaðan tíma. Sendu nýjan ef þarf.

Vantar aðra tengingu? Biddu um hana og við skoðum það.

Sækja um aðgang